اسلام آباد ۔ 19 اکتوبر (اے پی پی) رواں مالی سال کے دوران ملکی برآمدات کا حجم 30 ارب ڈالر سے بڑھنے کا امکان ہے۔ سٹیٹ بینک کے ذرائع کے مطابق گزشتہ مالی سال کے دوران درآمدات کا مجموعی حجم 55 ارب ڈالر سے زائد رہا جو کہ رواں مالی سال کے دوران بڑھ کر 60 ارب ڈالر تک پہنچنے کی توقع ہے جبکہ گزشتہ مالی سال کے دوران ملکی برآمدات سے 24 ارب 80 کروڑ ڈالر کی آمدن ہوئی تھی جو رواں مالی سال کے اختتام تک 30 ارب ڈالر سے بڑھنے کی توقع ہے۔
