رواں مالی سال2018-19ءکے ابتدائی چار ماہ میں جولائی تا اکتوبر کے دوران موبائل فونز کی قومی درآمدات میں11.84فیصد کا اضافہ

اسلام آباد ۔ 21 نومبر (اے پی پی) رواں مالی سال2018-19ءکے ابتدائی چار ماہ میں جولائی تا اکتوبر کے دوران موبائل فونز کی قومی درآمدات میں11.84فیصد کا اضافہ ہوا ہے۔ ادارہ برائے شماریات پاکستان( پی بی ایس) کے اعدادوشمار کے مطابق جاری مالی سال کے پہلے چار مہینوں کے دوران درآمدات کا حجم 260.4 ملین ڈالر تک بڑھ گیا جبکہ گذشتہ مالی سال کے اسی عرصہ کے دوران245.21 ملین ڈالر مالیت کے موبائل فونز درآمد کئے گئے تھے۔ اس طرح گذشتہ مالی سال کے مقابلہ میں رواں مالی سال کے پہلے چارماہ کے دوران موبائل فونز کی قومی درآمدات میں15.19 ملین ڈالر یعنی11.84 فیصد کا اضافہ ریکارڈ کیا گیا ہے۔

Short Link: https://urdu.app.com.pk/urdu/?p=122899