روسی صدر سے جلد ملاقات ہو سکتی ہے، امریکی صدر

واشنگٹن۔7اگست (اے پی پی):امریکی صدر ڈونلڈ ٹرمپ نے کہا ہے کہ وہ جلد روسی صدر ولادیمیر پیوٹن سے ملاقات کر سکتے ہیں۔ اردو نیوز کے مطابق انہوں نے گزشتہ روز وائٹ ہاؤس میں پریس ٹاک کے دوران یوکرین اور روس کے رہنماؤں سے ملاقات کے حوالے سے ایک سوال کے جواب میں کہا کہ ایک اچھا موقع موجود ہے اور جلد ہی ملاقات ہو جائے گی۔

ان کی جانب سے ایسا کوئی اشارہ نہیں دیا گیا کہ روسی صدر سے ملاقات کہاں پر ہو سکتی ہے۔یہ سابق صدر جو بائیڈن کی جنیوا میں اپنے ہم منصب سے جون 2021 میں ہونے والی ملاقات کے بعد پہلی امریکی اور روسی قیادت کی اعلیٰ سطحی ملاقات ہو گی۔