اسلام آباد۔8مارچ (اے پی پی):سمندرپارپاکستانیوں کوریلیف فراہم کرنے کیلئے سٹیٹ بینک کی جانب سے شروع کردہ روشن ڈیجیٹل اکاونٹس کے ذریعہ سمندرپارپاکستانیوں کی ترسیلات زرکاحجم 3.6 ارب ڈالرسے تجاوزکرگیاہے۔ سٹیٹ بینک کی جانب سے اس حوالہ سے جاری کردہ اعدادوشمارکے مطابق ستمبر2020 سے فروری 2022 تک کی مدت میں سمندرپارپاکستانیوں نے روشن ڈیجیٹل اکاونٹس کے ذریعہ3.632 ارب ڈالرکازرمبادلہ ملک ارسال کیاہے جبکہ اب تک روشن ڈیجیٹل اکاونٹس کے کھاتہ داروں کی تعداد365182 ہوچکی ہے۔۔
اعدادوشمارکے مطابق فروری 2022 میں سمندرپارپاکستانیوں نے روشن ڈیجیٹل اکاونٹس کے ذریعہ 250 ملین ڈالرکازرمبادلہ ملک ارسال کیاجوجنوری کے مقابلہ میں زیادہ ہے، جنوری میں روشن ڈیجیٹل اکاونٹس کے ذریعہ ترسیلات زرکاحجم 222 ملین ڈالرریکارڈکیاگیاتھا۔ ستمبر2020سے اب تک روشن ڈیجیٹل اکاونٹس کھولنے والے سمندرپارپاکستانیوں کی تعدادمیں مسلسل اضافہ ہورہاہے، فروری کے مہینہ میں روشن ڈیجیٹل اکاونٹس کے تحت مزید25571 اکاونٹس کھولے گئے جس کے بعد روشن ڈیجیٹل اکاونٹس کے کھاتہ داروں کی تعداد365182 ہوگئی۔
