تہران ۔ 26 اکتوبر (اے پی پی) عراقی وزیراعظم حیدرالعبادی ترکی کا دورہ مکمل کرکے تہران پہنچ گئے ہیں۔عراق کے وزیراعظم حیدرالعبادی نے رہبرانقلاب اسلامی حضرت آیت اللہ العظمی سید علی خامنہ ای سے ملاقات کی۔ اس ملاقات میں علاقائی اورعالمی صورتحال پر تبادلہ خیال کیا گیا ۔ایرانی خبر رساں ادارے کے مطابق عراقی وزیراعظم حیدرالعبادی ترکی کا دورہ مکمل کرکے تہران پہنچے۔عراق کے وزیراعظم تہران کے دورے کے دوران ایرانی صدر حسن روحانی اور دیگر اعلی حکام سے دو طرفہ تعلقات ، علاقائی مسائل اورعالمی امور پر تبادلہ خیال کریں گے۔عراقی وزیر اعظم کا رواں برس میں تہران کا یہ دوسرا دورہ ہے۔
