ریاض میں زیرِ زمین روڈ نیٹ ورک قائم کرنے کا منصوبہ

ریاض۔6اپریل (اے پی پی):سعودی عرب کے متعلقہ اداروں کوایلون مسک کی ’بورنگ کمپنی ‘ نے ریاض میں زیرِ زمین سڑکوں کے نیٹ ورک کی تعمیر کا منصوبہ پیش کیا ہے۔سبق نیوز کے مطابق ’ٹیسلا‘ کمپنی کی جانب سے سعودی آٹو مارکیٹ کے لیے 10 اپریل 2025 سے بجلی سے چلنے والی گاڑیاں لانچ کرنے کا اعلان کے بعد زیرِ زمین روڈ نیٹ ورک تعمیر کرنے کا منصوبہ پیش کیا ہے۔
مجوزہ پروگرام امریکی شہر لاس ویگاس میں تعمیر کیے جانے والے منصوبے سے ملتا جلتا ہوگا جو صرف الیکٹریکل گاڑیوں کے لیے مخصوص ہے۔ واضح رہے کہ مذکورہ امریکی کمپنی نے چند ماہ قبل دبئی میں روڈ اینڈ ٹرانسپورٹ اتھارٹی کے ساتھ ایک معاہدے پر دستخط کیے ہیں جس کے تحت دبئی میں بھی زیرِ زمین روڈ نیٹ ورک تعمیر کیا جائے گا۔

Short Link: https://urdu.app.com.pk/urdu/?p=578776