ایبٹ آباد۔ 2 مئی (اے پی پی):ڈائریکٹر جنرل خیبر پختونخوا شاہ فہد اور ریجنل ڈائریکٹر آپریشن نارتھ ارشد اقبال کی ہدایات پر ڈسٹرکٹ ایمرجنسی آفیسر جان محمد آفریدی کی زیر نگرانی ریسکیو 1122 ایبٹ آباد نے جاری کردہ ماہانہ کارکردگی رپورٹ میں گذشتہ ماہ اپریل کے دوران ریسکیو ایبٹ آباد کی جانب سے مختلف ایمرجنسیز کالز پر عوام کو کسی بھی ہنگامی صورتحال میں ان کی جان و مال بچھانے کیلئے مجموعی طور پر 520 حادثات میں اپنی خدمات فراہم کیں۔
ریسکیو 1122 ایبٹ آباد کے ترجمان ساجد اقبال کے مطابق مجموعی طور پر 35485 کالز موصول ہوئیں جن میں 23594 غیر ضروری کالز شامل ہیں۔ ڈسٹرکٹ ایمرجنسی افسر ایبٹ آباد جان محمد آفریدی نے ماہانہ رپورٹ سے آگاہ کرتے ہوئے بتایا کہ ریسکیو 1122 ایبٹ آباد نے گذشتہ ماہ اپریل کے دوران اوسط رسپانس ٹائم 7 منٹ میں 452 افراد کو مختلف ہنگامی صورتحال کے دوران بروقت پیشہ ورانہ سہولیات فراہم کیں۔
گذشتہ ماہ کے دوران روڈ ٹریفک حادثات کے 47 میڈیکل ایمرجنسی کے 394 آگ لگنے کے 37 دیگر ہنگامی صورتحال (ریکوری) کے 36 واقعات رونما ہوئے، ان تمام واقعات کے دوران 9 افراد جاں بحق ہوئے۔ ان ایمرجنسی واقعات میں مجموعی طور پر 520 لوگ متاثر ہوئے جبکہ 452 افراد کو ریسکیو کرنے اور ابتدائی طبی امداد دینے کے بعد ہسپتال منتقل کیا گیا۔
ریسکیو 1122 ایبٹ آباد کی زیر قیادت ریفریل ایمبولینس سروسز میں ماہ اپریل کے دوران ریسکیو اہلکاروں نے ریفریل ایمبولینس سروس کے ذریعہ مجموعی طور پر 184 ایمرجنسی کال پر ایک ہسپتال سے دوسرے ہسپتالوں تک شفٹنگ کی خدمات سرانجام دی جن میں 12 ایمرجنسیز بیرونی ڈسٹرکٹ جبکہ 172 ایمرجنسیز اندرون ایبٹ آباد کے مختلف ہسپتالوں میں مریضوں کو منتقل کیا گیا۔
Short Link: https://urdu.app.com.pk/urdu/?p=591219
