ریسکیو 1122 مانسہرہ نے ہفتہ وار کارکردگی رپورٹ جاری کر دی

ایبٹ آباد۔ 28 اکتوبر (اے پی پی):ڈسٹرکٹ ایمرجنسی آفیسر ابرار علی نے ریسکیو 1122 مانسہرہ کی ہفتہ وار کارکردگی رپورٹ جاری کر دی۔ رپورٹ کے مطابق ریسکیو کنٹرول روم کو گزشتہ ہفتہ کے دوران 4601 کالز موصول ہوئیں جن میں سے 35 ایمرجنسی کالز تھیں جس کے نتیجے میں 33 متاثرہ افراد کو ریسکیو کیا گیا،

ریسکیو 1122 نے ایک ہفتہ کے دوران 04 ٹریفک حادثات،30 میڈیکل ایمرجنسیز اور 01 آگ لگنے کے واقعہ میں عوام کو بروقت خدمات فراہم کیں جبکہ ہسپتال منتقلی سروس کے تحت31 مریضوں کو بہتر طبی سہولتوں کے حصول کے لیے ضلع کے اندر اور باہر مختلف ہسپتالوں میں منتقل کیا گیا۔

Short Link: https://urdu.app.com.pk/urdu/?p=518009