مانسہرہ۔ 10 مارچ (اے پی پی):ڈسٹرکٹ ایمرجنسی آفیسر ریسکیو 1122 مانسہرہ ابرار علی نے ہفتہ وار کارکردگی رپورٹ جاری کر دی۔ پیر کو ترجمان ریسکیو 1122 مانسہرہ کے مطابق ریسکیو 1122 مانسہرہ کنٹرول روم کو 3 تا 9 مارچ کے دوران 3046 کالز موصول ہوئیں جن میں سے 26 ایمرجنسی کالز تھیں جس کے نتیجے میں23 متاثرہ افراد کو ریسکیو کیا گیا۔ گذشتہ ہفتے کے دوران ریسکیو اہلکاروں نے 5 ٹریفک حادثات، 18 میڈیکل ایمرجنسیز، ایک آگ لگنے، ایک گولی لگنے اور ایک دیگر متفرق واقعے میں خدمات سرانجام دیں۔
ریفرل ایمرجنسی کے تحت 30 مریضوں کو بہترین طبی سہولیات کے حصول کے لیے ضلع کے اندر اور باہر مختلف ہسپتالوں میں منتقل کیا۔ ڈسٹرکٹ ایمرجنسی آفیسر ابرار علی نے ریسکیو اہلکاروں کی کارکردگی کو سراہا اور کسی بھی ایمرجنسی میں شہریوں کو بروقت بہترین ریسکیو سروس فراہم کرنے کے احکامات جاری کئے۔
Short Link: https://urdu.app.com.pk/urdu/?p=570762
