ریسکیو1122 ایبٹ آباد کی ہفتہ وار کارکردگی رپورٹ جاری

ایبٹ آباد۔ 14 اپریل (اے پی پی):ڈسٹرکٹ ایمرجنسی آفیسر ایبٹ آباد جان محمد آفریدی نے ہفتہ وار کارکردگی رپورٹ جاری کر دی۔ ترجمان ریسکیو 1122 ایبٹ آباد کے مطابق ریسکیو 1122 ایبٹ آباد کنٹرول روم کو گزشتہ ہفتے 8438 کالز موصول ہوئیں جن میں سے114 ایمرجنسی کالز تھیں جس کے نتیجے میں104 متاثرہ افراد کو ریسکیو کیا گیا.

گزشتہ ہفتے 6 ٹریفک حادثات، 97 میڈیکل ایمرجنسیز، آگ لگنے کے 5 جبکہ 5 متفرق (ریکوری) ایمرجنسیز تھیں۔ ریفرل ایمرجنسی کے تحت 52 مریضوں کو بہتر طبی سہولتوں کے حصول کے لیے مختلف ہسپتالوں میں منتقل کیا گیا۔ ڈسٹرکٹ ایمرجنسی آفیسر جان محمد آفریدی نے ریسکیو اہلکاروں کی کارکردگی کو سراہا اور احکامات جاری کئے ہیں کہ کسی بھی ایمرجنسی میں شہریوں کو بروقت بہترین ریسکیو سروس فراہم کریں۔

Short Link: https://urdu.app.com.pk/urdu/?p=581594