کراچی۔ 20 مارچ (اے پی پی):پاکستان رینجرز (سندھ)اوراینٹی نارکوٹکس فورس کی انٹیلی جنس معلومات کی بنیاد پر کراچی کے علاقے محمد ی کالونی (مچھر کالونی) میں بدنام زمانہ منشیات فروش ماما یعقوب کے اڈے پر مشترکہ چھاپہ مار کارروائی کی گئ، منشیات فروشی میں ملوث ملزم عثمان غنی کو گرفتار کر کے ان کے قبضے سے 60 کلوگرام چرس برآمد کرلی گئی۔
رینجرز کی طرف سے جاری بیان کے مطابق ابتدائی تفتیش میں ملزم نے انکشاف کیا ہے کہ وہ 2018سے منشیات فروشی میں ملوث ہے اور کراچی میں منشیات سپلائی کا بڑا ڈیلر ہے۔ملزم اپنے ساتھیوں کے ساتھ مل کر منشیات کے پی کے اور کوئٹہ سے مال بر دار گاڑیوں اور فروٹ ٹرکوں کے ذریعے کراچی میں منگوا کر دیگر منشیات فروشوں کو سپلائی کرتا ہے۔ملزم کے دیگر ساتھیوں کی گرفتاری کے لئے چھاپے مارے جا رہے ہیں۔گرفتارملزم کو منشیات سمیت مزید قانونی کارروائی کے لیے اینٹی نارکوٹکس فورس کے حوالے کر دیا گیا ہے۔
Short Link: https://urdu.app.com.pk/urdu/?p=574664
