14.6 C
Islamabad
جمعہ, مارچ 14, 2025
ہومبین الاقوامی خبریںزائرین مسجد الحرام میں صفائی کا خیال رکھیں، سعودی وزارتِ حج

زائرین مسجد الحرام میں صفائی کا خیال رکھیں، سعودی وزارتِ حج

- Advertisement -

ریاض۔14مارچ (اے پی پی):سعودی عرب کی وزارت حج و عمرہ نے زائرین کو ہدایت کی ہے کہ مسجد الحرام کے تقدس و صفائی کا خاص خیال رکھیں اور وضو مخصوص مقام پر ہی کریں۔ اردو نویز کےمطابق وزارت حج وعمرہ کی جانب سےایکس پر زائرین حرم کو ہدایت کی گئی ہے کہ وہ مسجد الحرام میں صفائی کا خاص خیال رکھیں۔ وضو کے لیے مقامات مخصوص ہیں اس لیے پینے کے لیے فراہم کیے گئے زم زم کے کولرز سے وضو نہ کریں کیونکہ ایسا کرنے سے فرش پر پانی گرتا ہے جو دوسروں کے لیے مشکل کا باعث بن سکتا ہے۔

واضح رہے مسجد الحرام میں لاکھوں عمرہ زائرین ہمہ وقت موجود ہوتے ہیں جبکہ مسجد کے صحنوں اور دیگر مقامات کی صفائی کے لیے سینکڑوں کارکنان بھی متعین کیے جاتے ہیں جو مسلسل مقامات کو صاف رکھتے ہیں۔بعض زائرین پینے کے لیے مسجد الحرام میں رکھے گئے آب زم زم کے کولرز سے وضو کرتے ہیں جس کی وجہ سے پانی گرنے سے فرش گیلا ہو جاتا ہے جو دیگر افراد کے لیے دشواری کا باعث ہوتا ہے۔مسجد الحرام کے اندر مختلف مقامات پر وضو خانے موجود ہیں جہاں زائرین آرام سے وضو کرسکتے ہیں۔

- Advertisement -

 

Short Link: https://urdu.app.com.pk/urdu/?p=572364

- Advertisement -
متعلقہ خبریں
- Advertisment -

مقبول خبریں