اسلام آباد ۔ 07 مارچ (اے پی پی) رواں مالی سال 2018-19ءکے ابتدائی سات ماہ میں جولائی تا جنوری کے دوران زرعی مشینری کی قومی برآمدات میں 6.2 فیصد کا اضافہ ہوا ہے۔ ادارہ برائے شماریات پاکستان (پی بی ایس) کے اعداد وشمار کے مطابق جاری مالی سال میں جولائی تا جنوری 2018-19ءکے دوران زرعی مشینری کی ملکی درآمدات 78.5 ملین ڈالر تک بڑھ گئیں جبکہ گزشتہ مالی سال میں جولائی تا جنوری 2017-18ءکے دوران درآمدات کاحجم 73.85 ملین ڈالر رہا تھا۔ اس طرح گزشتہ مالی سال کے مقابلہ میں رواں مالی سال کے ابتدائی سات مہینوں کے دوران زرعی مشینری کی ملکی درآمدات میں 4.65 ملین ڈالر یعنی 6 فیصد سے زیادہ کا اضافہ ریکارڈ کیا گیا ہے۔
