مدینہ منورہ۔19جون (اے پی پی):سعودی عرب کے حکام نے کہا ہے کہ 7 لاکھ سے زائد عازمین حج مدینہ منورہ پہنچ گئے ہیں۔سعودی نشریاتی ادارے نے حج اور وزٹ کمیٹی کے اعدادوشمار کے حوالے سے بتایا کہ گزشتہ روز آنے والے زائرین کی کل تعداد 29,090 تھی ان میں سے 25,962 مدینہ منورہ کے پرنس محمد بن عبدالعزیز انٹرنیشنل ایئرپورٹ پر پہنچے ۔
رپورٹ میں یہ بھی بتایا گیا ہے کہ گزشتہ روز 556,953 عازمین مدینہ منورہ حاضری کے بعد مکہ مکرمہ روانہ ہو گئے ہیں جب کہ ایک روز قبل تک مدینہ منورہ میں مقیم عازمین کی تعداد 161,021 ریکارڈ کی گئی ۔مدینہ منورہ میں قائم مختلف طبی مراکز سے 32,631 عازمین نے خدمات اور سہولیات حاصل کی ہیں۔
