روم۔16مئی (اے پی پی):سارہ ایرانی اور جیسمین پاؤلینی پر مشتمل اٹلی کی تھرڈ سیڈڈ جوڑی اپنی عمدہ کارکردگی کی بدولت اٹالین اوپن ٹینس ٹورنامنٹ میں خواتین کے ڈبلز مقابلوں کے سیمی فائنل میں پہنچ گئی ۔تھرڈ سیڈڈ فاتح اطالوی ویمنز پر مشتمل جوڑی نے عمدہ کھیل پیش کرتے ہوئے خواتین کے ڈبلز مقالوں کے کوارٹر فائنل رائونڈ میچ میں وائلڈ کارڈ پر انٹری حاصل کرنے والی فلپائن سے تعلق رکھنے والی ٹینس کھلاڑی الیگزینڈرا مانیگو ایالا اور ان کی امریکی جوڑی دار کوکوگف کو شکست دی اور ٹاپ فور رائونڈ کے لئے کوالیفائی کیا۔
اے ٹی پی کے زیر اہتمام اٹالین اوپن کے دلچسپ مقابلے اٹلی کے دارالحکومت روم میں جاری ہیں ،جس میں شائقین ٹینس کو عمدہ میچز دیکھنے کو مل رہے ہیں۔ ویمنز ڈبلز مقابلوں کے کوارٹر فائنل رائونڈ میچ میں سارہ ایرانی اور جیسمین پاؤلینی پر مشتمل اٹلی کی تھرڈ سیڈڈ جوڑی نے عمدہ کارکردگی کا مظاہرہ کرتے ہوئے وائلڈ کارڈ پر انٹری حاصل کرنے والی فلپائن سے تعلق رکھنے والی ٹینس کھلاڑی الیگزینڈرا مانیگو ایالا اور ان کی امریکی جوڑی دار کوکوگف کو 5-7،6-3 اور 7-10سے ہرا کر سیمی فائنل کے لئے کوالیفائی کر لیا ،جہاں فاتح اطالوی جوڑی کا مقابلہ روس کی ٹینس کھلاڑی میرا الیگزینڈروونا اینڈریوااور ان کی ہم وطن جوڑی دار ڈیانا میکسیمونا شنائیڈر پر مشتمل سکستھ سیڈڈ جوڑی سے ہوگا۔
Short Link: https://urdu.app.com.pk/urdu/?p=597792
