اوہائیو۔15اگست (اے پی پی):اٹلی کی نامور ٹینس کھلاڑی سارہ ایرانی اور ان ہم وطن جوڑی دار جیسمین پاولینی پر مشتمل ٹاپ سیڈڈ جوڑی سنسناٹی اوپن ٹینس ٹورنامنٹ کے خواتین کے ڈبلز مقابلوں کے سیمی فائنل میں پہنچ گئیں ۔ سارہ ایرانی اور جیسمین پاولینی پر مشتمل اٹلی کی ٹاپ سیڈڈ جوڑی نے عمدہ کھیل پیش کرتے ہوئے خواتین کے ڈبلز مقابلوں کے کوارٹر فائنل رائونڈ میچ میں امریکی ٹینس کھلاڑی پیٹن میکنزی سٹرنز اور ان کی جمہوریہ چیک کی جوڑی دار مارکیٹا ونڈروسووا کو شکست سے دوچار کرتےہوئے سیمی فائنل رائونڈ کے لئے کوالیفائی کیا۔
ڈبلیو ٹی اے کے زیراہتمام سنسناٹی اوپن ٹینس ٹورنامنٹ کے دلچسپ مقابلے امریکی ریاست اوہائیو میں جاری ہیں۔ اٹلی کی نامور ٹینس کھلاڑی سارہ ایرانی اور ان ہم وطن جوڑی دار جیسمین پاولینی پر مشتمل ٹاپ سیڈڈ جوڑی نے شاندار کارکردگی کا مظاہرہ کرتے ہوئےویمنز ڈبلز مقابلوں کے کوارٹر فائنل رائونڈ میچ میں امریکی ٹینس کھلاڑی پیٹن میکنزی سٹرنز اور ان کی جمہوریہ چیک کی جوڑی دار مارکیٹا ونڈروسوواکو سٹریٹ سیٹس میں 4-6اور 3-6سے نہ صرف شکست دی بلکہ ایونٹ کے سیمی فائنل رائونڈ کے لئے کوالیفائی کرلیا۔
