ساہیوال۔ 13 ستمبر (اے پی پی):ڈسٹرکٹ پولیس آفیسر ساہیوال فیصل شہزاد کی ہدایت پر ساہیوال پولیس کا بجلی چوروں کے خلاف زبردست کریک ڈاؤن جاری ہے بجلی چوری میں ملوث افراد کے خلاف ساہیوال پولیس نے 288 مقدمات درج کر کے 191 ملزمان کو گرفتار کر لیا ۔
ڈسٹرکٹ پولیس آفیسر ساہیوال فیصل شہزاد نے کہا ہے عوام جرائم کے خاتمے اور معاشرے کو محفوظ بنانے کےلئے پولیس سے تعاون کریں تاکہ معاشرے میں بگاڑ پیدا کرنے والوں کے خلاف بروقت کارروائیاں عمل میں لائی جاسکے جرائم پیشہ افراد کسی صورت بھی رعایت کے مستحق نہیں ان کے خلاف کارروائیاں بلاتفریق جاری رکھی جائیں
اپ سب لوگوں سے گزارش ہے کہ ایک ذمہ وار شہری ہونے کا ثبوت دیتے ہوئے اپنے ارد گرد بجلی چوروں کی نشاندہی کریں یاد رکھیں یہ ہم سب کا ملک ہے اور ہم سب نے اس ملک کی فلاح و بہبود کے لیے مل کر کام کرنا ہے ۔ہمارا یہ چھوٹا سا قدم کسی غریب کے بل میں کمی لانے کا باعث بن سکتا ہے ۔
بجلی چوری کر نےوالے معاشرے کے ناسو ر ہیں ان کے خلاف آہنی ہاتھوں سے نمٹا جائے گا۔بجلی چوری ہونے کی صورت میں فوری 15 پر اطلاع دیں ۔اطلاع دینے والے کا نام صیغہ راز میں رکھا جائے گا۔
Short Link: https://urdu.app.com.pk/urdu/?p=389943
