اسلام آباد۔2نومبر (اے پی پی):ستمبر 2020 کےدوران پھلوں کی برآمدات میں 34.74 فیصد کمی ہوئی ہے۔ ادارہ برائے شماریات پاکستان (پی بی ایس) کے اعدادوشمار کے مطابق ستمبر 2020 کے دوران پھلوں کی برآمدات کا حجم 22.2 ملین ڈالر تک کم ہوگیا جبکہ ستمبر 2019 میں پھلوں کی برآمدات سے 33.97 ملین ڈالر زرمبادلہ کمایا گیا تھا۔ اس طرح ستمبر 1920 کے مقابلہ میں ستمبر 2020 کے دوران پھلوں کی قومی برآمدات میں 11.77 ملین ڈالر یعنی 34.74 فیصد کمی ریکارڈ کی گئی ہے۔
