سرخ مرچ کارنگ مکمل طور پر سرخ ہو نے تک کاشتکار وں کومرچوں کی چنائی شروع کرنے کی ہدایت

فیصل آباد۔16 جون (اے پی پی )جامعہ زرعیہ فیصل آباد کے ماہرین زراعت نے مرچ کے کاشتکاروں کو مرچوں کی چنائی بروقت مکمل کرنے کی ہدایت کی ہے اور کہاہے کہ چونکہ مقررہ وقت پر چنائی نہ کرنے کے عمل سے فصل کو نقصان پہنچنے کا خدشہ ہوتاہے اس لئے اس ضمن میں کسی غفلت یا کوتاہی کا مظاہرہ نہ کیاجائے ۔ ایک ملاقات کے دوران انہوںنے بتایاکہ چنائی کا عمل اس وقت شروع کیاجائے جب مرچ اچھی طرح پک چکی ہو اور اس کا رنگ بھی مکمل طور پر سرخ ہو چکاہو۔ انہوں نے کہاکہ چنائی صبح یا شام کے ٹھنڈے اوقات میں کرنی چاہیے تاکہ پودے ٹوٹنے کا احتمال نہ رہے۔

Short Link: https://urdu.app.com.pk/urdu/?p=59203