سردار ایاز صادق کاترکیہ میں زلزلہ سے جانی و مالی نقصان پر گہرے افسوس کا اظہار

اسلام آباد۔11اگست (اے پی پی):سپیکر قومی اسمبلی سردار ایاز صادق نے ترکیہ میں آنے والے زلزلے سے جانی و مالی نقصان پر گہرے دکھ اور افسوس کا اظہار کیا ہے ۔ پیر کو اپنے پیغام میں انہوں نے ترکیہ کے عوام سے دلی ہمدردی اور یکجہتی کا اظہار کرتے ہوئے کہا کہ پاکستانی قوم ترکیہ کے عوام کے غم میں برابر کی شریک ہے، مشکل گھڑی میں پاکستان کی حکومت، عوام اور پارلیمان ترکیہ کی حکومت، پارلیمان اور عوام کے ساتھ کھڑے ہیں۔ انہوں نے کہا کہ زلزلے میں زخمیوں کی جلد صحت یابی کیلئے دعا گو ہوں۔سپیکر قومی اسمبلی نے اللہ تعالیٰ سے زلزلے میں شہید ہونے والے افراد کے درجات کی بلندی کیلئے دعا بھی کی۔