اسلام آباد ۔ 28 اکتوبر (اے پی پی) وزارت منصوبہ بندی، ترقی و اصلاحات نے سرکاری شعبہ کے ترقیاتی پروگرام میں کمیونیکیشن ڈویژن کے ترقیاتی کاموںکے لئے مجموعی طور پر اب تک9کروڑ 93 لاکھ 22 ہزار کے فنڈزجاری کردیئے ہیں، حکومت نے پی اے ای سی کے ترقیاتی کاموں کے لئے رواں مالی سال کے لئے 24 کروڑ 83 لاکھ روپے کے فنڈز مختص کئے ہیں۔ پلاننگ کمیشن کے جاری اعداد وشمار کے مطابق حکومت نے این ٹی آر سی ایکسیلینٹ ڈیٹا کے لئے 80 لاکھ، گوادر میں ایس ایس پی آفس ہیڈکوارٹرز کی تعمیر کے لئے 3 کروڑ 54 لاکھ، این ٹی آر سی ایکسل لوڈ سروے پروگرام کے لئے 70 لاکھ، این ٹی آرسی پرمانینٹ ٹریفک کائونٹ پروگرام کے لئے 93 لاکھ، پاکستان میں سٹڈی آف فریٹ ٹرانسپورٹ کے لئے ایک کروڑ 16 لاکھروپے سے زائد کے فنڈز جاری کردیئے ہیں۔
