کولمبو ۔ 27 مارچ (اے پی پی) سری لنکا اور انگلینڈ کی کرکٹ ٹیموں کے درمیان تین انٹرنیشنل ٹی 20 میچوں پر مشتمل سیریز کا تیسرا اور آخری میچ (کل) جمعرات کو کولمبو میں کھیلا جائے گا۔ انگلینڈ کی ویمن ٹیم کو میزبان ٹیم کے خلاف تین میچوں کی سیریز میں 2-0 کی فیصلہ کن برتری حاصل ہے۔ انگلینڈ ویمن ٹیم نے سری لنکن ٹیم کو پہلے ٹی 20 کرکٹ میچ میں 8 وکٹوں سے شکست دیکر اور دوسرے میچ میں بھی 8 وکٹوں سے ہرا کر تین میچوں کی سیریز میں 2-0 کی فیصلہ برتری حاصل کی ہے۔ اس سے قبل انگلینڈ کی ویمن ٹیم نے سری لنکن ویمن ٹیم کو تین ایک روزہ بین الاقوامی میچوں کی سیریز میں کلین سویپ کیا تھا۔ دونوں ٹیموں کی کپتانوں نے ٹی 20 سیریز کے دوسرے میچ میں کامیابی کے لئے بیانات دیئے ہیں اور توقع کی جارہی ہے کہ دونوں ٹیموں کے درمیان سیریز کا دوسرا میچ کانٹے دار ہوگا۔ دونوں ٹیموں کے درمیان تین میچوں کی سیریز کا تیسرا اور آخری ٹی 20 میچ 28 مارچ کو کولمبو میں ہی کھیلا جائے گا۔
