بلاوایو ۔2جولائی (اے پی پی):سری لنکا نے رواں سال بھارت میں ہونے والے آئی سی سی ورلڈ کپ کے لیے کوالیفائی کر لیا ، ورلڈ کپ کوالیفائر کے سپر سکس مرحلے میں آئی لینڈرز نے زمبابوے کو 9 وکٹوں سے ہرا کر مسلسل چوتھی کامیابی حاصل کی
، پاتھم نسانکا نے شاندار سنچری بنائی ، گزشتہ بلاوایو سپورٹس کلب میں کھیلے گئے میچ میں زمبابوے کی ٹیم پہلے بیٹنگ کرتے ہوئے 32.2 اوورز میں 165 رنز بنا کر آؤٹ ہو گئی ، شان ولیمز 56 اور سکندر رضا 31 رنز بنا کر نمایاں رہے ،
سری لنکا کے مہیش تھیکشنا نے چار اور دلشان مدوشنکا نے تین کھلاڑیوں کو آؤٹ کیا ، جواب میں سری لنکا نے مطلوبہ ہدف 33.1 اوورز میں ایک وکٹ کے نقصان پر حاصل کر لیا ، پاتھم نسانکا نے شاندار بیٹنگ کا مظاہرہ کیا اور 101 رنز کی ناقابل شکست اننگز کھیلی ، مہیش تھیکشنا کو میچ کا بہترین کھلاڑی قرار دیا گیا ۔
