ریاض ۔26اگست (اے پی پی):سعودی رائل ایئرڈیفنس فورسز کے تیسرے یونٹ نے تھاڈ ایئر ڈیفنس میزائل سسٹم کا تربیتی پروگرام مکمل کیا ہے۔ایس پی اے کے مطابق ایل پاسو، ٹیکساس میں واقع فورٹ بلیس میں کئی ہفتوں کی خصوصی تربیت کے بعد ٹرمینل ہائی الٹیوڈ ایریا ڈیفنس سسٹم ( تھاڈ) کو چلانے کی صلاحیت رکھنے والے تیسرے یونٹ نے گریجویشن کیا ہے۔آپریشن اور مینٹینس کے عملے کو ڈیفنس سسٹم استعمال کرنے کی تربیت دی گئی جو دنیا جدید ترین میزائل ڈیفنس ٹیکنالوجی میں سے ایک اورمملکت کے دفاعی نظام کا اہم حصہ ہے۔
گریجویٹس نے مینوفیچرنگ ماہرین اور امریکی فورسز کے تعاون سے تیکنیکی اور آپریشنل تربیت، وار سمولیشن اور جدید فیلڈ مشقوں سمیت کئی پروگراموں کی ایک رینج مکمل کی ہے۔یہ تربیتی پروگرام فوجی صلاحیتوں کو بڑھانے اورسعودی وژن 2030 کے مطابق جنگی تیاریوں کو بہتر بنانے کےلیے وزارت دفاعی کی حکمت عملی کے مطابق ہے۔یاد رہے اس سال جولائی میں سعودی عرب نے جدہ میں ایک تقریب کے دوران تھاڈ ایئر ڈیفنس میزائل سسٹم کے لیے پہلی کمپنی لانچ کی تھی۔
