ریاض ۔25اپریل (اے پی پی):خادم الحرمین الشریفین شاہ سلمان بن عبدالعزیز آل سعود نے شہزادہ عبدالعزیز بن سلمان کو شاہ عبداللہ یونیورسٹی برائے سائنس اینڈ ٹیکنالوجی ’کاوسٹ‘ کے بورڈ آف ٹرسٹیز کا چیئرمین مقرر کر دیا ہے۔ ایس پی اے،کے مطابق الحرمین الشریفین شاہ سلمان بن عبدالعزیز آل سعود نےتوانائی کے شعبے میں وسیع تجربہ رکھنے والے شہزادہ عبدالعزیز بن سلمان کو توانائی کے شعبے میں وسیع تجربہ رکھنے کی بنیاد پر یونیورسٹی کے بورڈ کا چیئرمین مقرر کر دیا ہے ۔
انہوں نے صاف توانائی کے حصول کے حوالے سے ایسی جامع پالیسیز تیار کرکے ان پرعمل کرنے میں اہم کردار ادا کیا جس سے مذکورہ شعبے میں نہ صرف جدت پیدا ہوئی بلکہ اسے کافی فروغ حاصل ہوا۔دریں اثنا یونیورسٹی کے صدر پروفیسر ایڈورڈ برن نے شہزادہ عبدالعزیز بن سلمان کی تقرری کے شاہی احکامات پر مسرت کا اظہار کرتے ہوئے اسے یونیورسٹی کے شاندار مستقبل سے تعبیر کیا ہے۔
Short Link: https://urdu.app.com.pk/urdu/?p=587403
