ریاض۔20اپریل (اے پی پی):سعودی عرب میں قانون نافذ کرنے والےادارے کے اہلکارمختلف شہروں میں منشیات فروشوں کے خلاف کارروائی کرتے ہوئے2شامی اور ایک مقامی شہری کوگرفتار کر کے اس کے قبضے سے 2 کلو گرام چرس اور ممنوعہ ادویات برآمد کر لیں۔ایس پی اےکے مطابق محکمہ انسداد منشیات کی ٹیموں نے جدہ میں دو شامی اور ایک سعودی شہری کو گرفتار کیا جن کے قبضے سے 2 کلو گرام چرس اور ممنوعہ ادویات برآمد کر لیں جبکہ ریاض میں محکمہ انسداد منشیات کی ٹیموں نے ایک غیرملکی شہری کے قبضے سے 3.7 کلوگرام نشہ آور پاوڈر ’کرسٹل‘ برآمد کرکے اسے ادارہ پراسیکیوشن کے حوالے کردیا گیا۔
جازان میں قانون نافذ کرنے والے ادارے کے اہلکاروں نے ایتھوپی باشندے کے قبضے سے 17 کلو گرام چرس برآمد کر لی۔
جازا ن میں ہی کوسٹ گارڈ کی ٹیموں نے چار یمنی شہریوں کو گرفتار کرکے ان کے قبضے سے 260 کلو گرام نشہ آور پودا ’قات‘ برآمد کیا۔انسداد منشیات مہم کے حوالے سے قانون نافذ کرنے والے اداروں کا کہنا ہے کہ سعودی شہری اور مقیم غیرملکی اس زہرقاتل کے سوداگروں کے خلاف ادارے سے تعاون کریں۔
Short Link: https://urdu.app.com.pk/urdu/?p=584667
