ریاض ۔4ستمبر (اے پی پی):سعودی عرب کے وزیر خارجہ شہزادہ فیصل بن فرحان نے الجزائر کے ہم منصب احمد عاطف سے ٹیلی فون پر رابطہ کیا اور فلسطینی عوام کے جائز حقوق کی بحالی کے لیے عرب و اسلامی ملکوں کی کوششوں بارے تبادلہ خیال کیا۔
ایس پی اے کے مطابق دونوں وزرائے خارجہ نے فلسطینی عوام کے جائز حقوق کی بحالی کو یقینی بنانے کے حوالے سے عرب اور اسلامی ملکوں کی کوششوں کی روشنی میں فلسطینی علاقوں کی صورتحال پر بھی تبادلہ خیال کیا۔ دونوں رہنمائوں نے اسرائیلی قابض فورسز کی طرف سے تمام بین الاقوامی اور انسانی قوانین کی خلاف ورزیوں کو روکنے کے لیے جوائنٹ کوآرڈینیشن کی اہمیت پر بھی بات چیت کی ۔
