ریاض،برسلز۔4جنوری (اے پی پی):سعودی عرب اور یورپی یونین نے ایران میں دھماکوں کی مذمت کرتے ہوئے ذمہ داروں کو سزا دینے کا مطالبہ اور متاثرین کے ساتھ ہمدردی کا اظہار کیا ہے۔
العربیہ اردو کے مطابق سعودی عرب کی وزارت خارجہ نے سوشل میڈیا پلیٹ فارم ’’ایکس ‘‘پر کہا کہ ہم ایران میں پرامن شہریوں پر دہشت گردحملوں کی مذمت کرتے ہیں۔
دوسری جانب یورپی یونین کے خارجہ امور کے ترجمان نےایران کے شہر کرمان میں ہونے والے بم دھماکوں کے بعد ایران کے ساتھ یکجہتی کا اظہار کرتے ہوئے مطالبہ کیا ہے کہ د ھماکوں میں ملوث افراد کو انصاف کے کٹہرے میں لایا جانا چاہیئے۔
واضح رہے کہ بدھ کو ایران کے شہر کرمان میں پاسداران انقلاب کے جنرل قاسم سلیمانی کی چوتھی برسی کے موقع پر ان کی قبر کےقریب 2دھماکے ہوئے جس کے نتیجے 103افراد جاں بحق اور بڑی تعداد میں لوگ زخمی ہو گئے۔
