سعودی عرب میں نایاب پودے کی وجہ سے عالمی منصوبے کی جگہ تبدیل

ریاض۔14مارچ (اے پی پی):سعودی عرب میں نایاب پودے کی وجہ سے عالمی منصوبے کی جگہ تبدیل کر دی گئی ۔ اردو نیوز کے مطابق شہزادہ عبدالعزیز الفیصل نے بتایا کہ نیوم میں ایک عالمی معیار کے سیاحتی تفریحی مقام کی تعمیر کا منصوبہ بنایا گیا لیکن ماہرین کو معلوم ہوا کہ اس مخصوص پہاڑی علاقے میں ایک نایاب پودا پایا جاتا ہے جو دنیا میں کسی اور جگہ نہیں اگتا۔ اس انکشاف نے ماہرین کو پیچیدہ صورتحال سے دوچار کر دیا۔

شہزادہ عبد العزیز الفیصل نے کہا ہے کہ جب ولی عہد شہزادہ محمد بن سلمان کو اس معاملے کا علم ہوا تو انہوں نے فوراً منصوبے کی جگہ تبدیل کرنے اور کسی دوسرے مقام پر تعمیر کا حکم دیا تاکہ اس نایاب پودے کو محفوظ رکھا جا سکے۔یہ فیصلہ قدرتی ماحول کی حفاظت کے لیے ولی عہد کی گہری وابستگی کی عکاسی کرتا ہے۔

Short Link: https://urdu.app.com.pk/urdu/?p=572369