ریاض۔11جون (اے پی پی):سعودی عرب میں نجی شعبے کے تمام اداروں کے کارکنوں کے لیے 15 جون سے 15 ستمبر تک براہ راست دھوپ میں کام کرنے پر پابندی عائد کر دی گئی۔ اردو نیوز کے مطابق سعودی عرب کی وزارت افرادی قوت اور قومی کونسل برائے اکیوپیشنل سیفٹی اور صحت نے بیان میں کہا ہے کہ نجی شعبے کے تمام اداروں کے کارکنوں کے لیے 15 جون سے 15 ستمبر تک دوپہر 12 سے سہ پہر 3 بجے تک براہ راست دھوپ میں کام کرنے پر 3 ماہ کے لہئے پابندی عائد ہوگی
۔بیان میں کہا گیا کہ اس فیصلے کا مقصد نجے شعبے کے کارکنوں کے تحفظ اور صحت کو یقینی بنانا، اکیوپیشنل سیفٹی اور صحت کے بین الاقوامی معیارات کے مطابق صحت مند اور محفوظ کا م کا ماحول فراہم کرنا ہے۔ وزارت نے آجروں سے کہا کہ وہ اس فیصلے پر عمل درآمد کریں تاکہ کام کا محفوظ ماحول پیدا کرنے کے ساتھ ساتھ کارکنوں کو حادثات اور بیماریوں سے بچایا جا سکے۔ واضح رہے کہ وزارت افرادی قوت کی جانب سے ملکی سطح پر مختلف ٹیمیں تشکیل دی جاتی ہیں جو مقررہ اوقات میں اس امر کا جائزہ لیتی ہیں کہ قانون کی خلاف ورزی تو نہیں کی جا رہی۔
Short Link: https://urdu.app.com.pk/urdu/?p=474857
