ریاض ۔18 مارچ (اے پی پی) سعودی عرب کے ولی عہد شہزادہ محمد بن سلمان نے کہا ہے کہ ان کے ملک کی فلسطینیوں کے مفادات پر توجہ مرکوز ہے اور وہ تمام فریقین کے لیے امن کی بات کرتا ہے۔ ایک انٹرویو میں ولی عہد نے کہا کہ سعودی عرب اور امر یکا کے تاریخی تعلقات 80 سال پر محیط ہیں، سعودی عرب مشرق وسطیٰ میں امر یکا کا پرانا حلیف ہے۔ ولی عہد نے کہا کہ سعودی عرب مشرق وسطیٰ میں امن کا عمل آگے بڑھانے کے لیے ہرممکن کوشش جاری رکھے گا، امریکی صدر ڈونلڈ ٹرمپ کے داماد جارڈ کوشنر کی زیرنگرانی امن مساعی کو سعودی عرب کی بھرپور حمایت حاصل ہے۔
