ریاض۔30اگست (اے پی پی):سعودی عرب کی فلسطینی عوام کے لیے امدادی کارروائیاں جاری ہیں، شاہ سلمان مرکز برائے امداد و انسانی خدمات کے تحت 60 ویں خصوصی پرواز مصر کے العریش انٹرنیشنل ایئرپورٹ پہنچ گئی۔سعودی خبررساں ادارے ایس پی اےکے مطابق امدادی سامان سعودی وزارت دفاع اور مصر میں سعودی سفارتخانے کے اشتراک سے شاہ سلمان مرکز نے روانہ کیا ،اس میں فوڈ باسکٹس ہیں جنہیں غزہ میں متاثرہ فلسطینیوں تک جلد پہنچایا جائے گا۔
یہ اقدام غزہ کی پٹی کے فلسطینی شہریوں کو شاہ سلمان مرکز کے ذریعے فراہم کی جانے والی سعودی امداد کا حصہ ہے تاکہ قحط کی سنگین صورتحال اور غزہ کے رہائشیوں کے مصائب کو دور کیا جاسکے۔شاہ سلمان مرکزنے کہا کہ امداد کا یہ سلسلہ جاری رہے گا تاکہ جنگ اور محاصرے کے شکار فلسطینی بھائیوں کی زندگیوں کو سہارا دیا جاسکے۔