ریاض۔16مارچ (اے پی پی):سعودی عرب کے چار شہروں میں انٹرنیشنل ایئرپورٹس پر ای امیگریشن گیٹس نصب کردیے، انسانی مداخلت کے بغیر مسافر بلا تاخیر امیگریشن کی کارراوئی مکمل کر سکیں گے۔
ایس پی اے کے مطابق سعودی ڈیٹا اینڈ آرٹیفیشل انٹیلیجنس ’سدایا‘ اور محکمہ امیگریشن اینڈ پاسپورٹ ’جوازات‘ کی جانب سے ریاض کے کنگ خالد انٹرنشینل ایئرپورٹ، کنگ عبدالعزیز انٹرنیشنل ایئرپورٹ جدہ ، شہزادہ محمد بن عبدالعزیز ایئرپورٹ مدینہ منورہ اور کنگ فہد انٹرنیشنل ایئرپورٹ دمام کے ٹرمنلز پر152 ای گیٹس نصب کیے ہیں ۔
سب سے زیادہ ای گیٹس جدہ کے کنگ عبدالعزیز انٹرنیشل ایئرپورٹ پر نصب کیے گئے ہیں جن کی تعداد 70 ہے۔ ریاض ایئرپورٹ پر 42 ، دمام میں 20 اور اور مدینہ منورہ ایئرپورٹ پر بھی 20 ای گیٹس نصب کیے گئے ہیں۔ٹیکنیکل رپورٹ کے مطابق ایک گیٹ سے یومیہ 2 ہزار 500 مسافروں کو امیگریشن کی سہولت فراہم کی جاسکتی ہے۔مستقبل میں دیگر انٹرنیشنل ایئرپورٹس پر بھی ای گیٹس نصب کیے جائیں گے۔
