ریاض ۔17مارچ (اے پی پی):سعودی عرب کی وزارت صنعت و معدنی وسائل نے کہا ہے کہ مملکت میں کاغذ سازی کی صنعت میں 9.5 فیصد اضافہ ہوا ہے۔الاقتصادیہ کے مطابق سعودی وزارت صنعت و معدنی وسائل کی جانب سے جاری بیان میں کہا گیا ہے کہ کاغذ کی صنعت کے حوالے سے مملکت کا شمارتیز رفتار ترقی کرنے والے ممالک میں ہوتا ہے جہاں مختلف اقسام کے کاغذ جن میں اخبارات، رسالے، ٹیشو پیپر اور گتے وغیرہ شامل ہیں۔
عسیر میں گزشتہ برس کاغذ سازی کی فیکٹریوں کی تعداد 16 تک پہنچ گئی جبکہ حائل میں 9 ج تبوک میں 7 اور جازان میں فیکٹریوں کی تعداد 6 ،مکہ مکرمہ میں 202 اور مشرقی علاقے میں 162، قصیم میں 37 اور مدینہ منورہ میں 28 فیکٹریاں ہیں۔
مشرق وسطی پیپر کمپنی ’مبکو‘ اور عربی یونین آف پیپرانڈسٹری کے سابق صدر سامی الصفران کا کہنا ہے عالمی سطح پر پیپر مارکیٹ کا سالانہ حجم 450 ملین ٹن ہے جس میں سعودی عرب سالانہ 3 ملین ٹن استعمال کرتا ہے۔
مملکت میں ٹیشو پیپر کی پہلی فیکٹری سال 1990 میں قائم کی گئی تھی جبکہ اب اس صنعت کی 7 فیکٹریاں کام کررہی ہیں جن کی سالانہ پیداوار 1.5 ملین ٹن ہے جو مقامی ضرورت کو پورا کرتی ہے۔ اس وقت سعودی عرب 50 سے زائد ممالک کو کاغذ ایکسپورٹ کرتا ہے جن میں شمالی و جنوبی امریکہ، یورپ ، افریقا، جنوبی ایشیا، مشرق وسطی اور شمالی افریقا شامل ہیں جہاں ایکسپورٹ 12 ملین ٹن ہے۔
Short Link: https://urdu.app.com.pk/urdu/?p=573329
