ریاض۔6اپریل (اے پی پی):سعودی رائل ایئرفورس کے دستے ’اینوکس 2024 ‘ مشترکہ مشقوں میں شرکت کے لیے یونان کے اندراویڈا ایئربیس پرپہنچ گئے۔
سعودی خبررساں ایجنسی ’ایس پی اے ‘کے مطابق مشترکہ فضائی مشقوں میں سعودی عرب اور برادر ودوست ممالک کے ساتھ فضائی مشقوں میں شرکت کررہا ہے جو رواں ماہ یونان میں منعقد کی جائیں گی۔
اینوکس 2024 کے عنوان سے ہونے والی فضائی مشقیں براعظم یورپ کی سب سے بڑی عسکری مشق شمار ہوتی ہے جس میں سعودی فضائیہ کے چھ ٹائیفون طیارے اور فضائی یونٹ شرکت کررہا ہےمشقوں کا مقصد فن حرب وضرب کی استعداد میں اضافہ اور ایک دوسرے کے تجربات سے استفادہ کرنا ہے۔
مشقوں کے لیے حقیقت سے قریب ترین سیناریو ترتیب دیا گیا ہے تاکہ شریک یونٹس کے عملی تجربے میں اضافہ کیا جاسکے۔
