ریاض۔17مارچ (اے پی پی):سعودی عرب کی وزارت سیاحت نے مکہ اور مدینہ میں 79 ہوٹلوں اور رہائشی مراکز کو سیل کیے جانے کے احکامات کی خلاف ورزی پر جرمانے کیے ہیں۔اخبار 24 کے مطابق سعودی وزارت سیاحت کی جانب سے جاری بیان میںکہا گیا ہے کہ رمضان کے پہلے دو ہفتوں کے دوران مکہ میں 58 اور مدینہ میں 21 ہاسپلیٹی مراکز میں خلاف ورزیوں پر مجموعی طور پر پانچ لاکھ ریال جرمانہ عائد کیا گیا۔
وزارت سیاحت نے انتباہ کیا کہ سیاحت کے قانون اور ضوابط کی خلاف ورزی خصوصا پرمٹ کے بغیر کام کرنے پر 10 لاکھ جرمانہ، ہوٹل کی بندش یا دونوں سزاؤوں کا اطلاق کیا جاسکتا ہے۔یاد رہے وزارت سیاحت کی جانب سے رمضان کے دوران ہوٹل، فرنشڈ اپارٹمنٹس اور دیگر رہائشی سہولتوں کے تفتیشی دوروں میں اضافہ کیا گیا ہے۔ سیاحت کے قواعد وضوابط پر عملدرآمد کو یقینی بنانے کے ساتھ زائرین کے لیے خدمات کے اعلی معیار کو برقرار رکھا جا رہا ہے۔
Short Link: https://urdu.app.com.pk/urdu/?p=573331
