سعودی وزیر توانائی سے امریکی ہم منصب کی ملاقات

ریاض۔13اپریل (اے پی پی):سعودی عرب کے وزیر توانائی شہزادہ عبدالعزیز بن سلمان بن عبدالعزیز آل سعود سے امریکی وزیر توانائی کرس رائٹ اور ان کے ہمراہ وفد نے ملاقات کی ۔

ایس پی اے،کےمطابق ریاض کے شاہ عبداللہ اسٹڈیز اینڈ پیٹرولیم ریسرچ سینٹر کے دورے کے موقع پر وزراء کو توانائی کے حوالےسے کی جانے والی ریسرچ ، تبدیلیاں ، موسمیاتی تبدیلی ، پائیدار نقل وحمل اور مشاورتی خدمات کے بارے تفصیلی بریفنگ دی گئی علاوہ ازیں توانائی کے شعبے میں درپیش موجودہ چیلنجز اور ان کا حل تلاش کرنے کے حوالےسے بھی آگاہ کیا گیا۔

دوطرفہ ملاقات میں توانائی کے بارے میں ریسرچ اور اس شعبے میں افرادی مہارتوں کے تبادلہ و مشترکہ تحقیقی کام کو مزید مضبوط بنانے کے لیے باہمی تعاون پر بھی تبادلہ خیال کیا گیا۔

Short Link: https://urdu.app.com.pk/urdu/?p=581176