میڈرڈ ۔13ستمبر (اے پی پی):سعودی وزیر خارجہ شہزادہ فیصل بن فرحان فلسطین کی صورت حال پر منعقدہ وزارتی اجلاس میں شرکت کے لیے سپین کے دارالحکومت میڈرڈ پہنچ گئے۔العربیہ کے مطابق اجلاس کا مقصد غزہ کی صورتحال اور دو ریاستی حل پر عمل درآمد کے لیے کیے جانے والے اقدامات کا جائزہ اور اقوام متحدہ کی جنرل اسمبلی کے 79ویں اجلاس کے موقع پر اس حوالے سے اعلیٰ سطحی تقریب کی تیاری ہے۔
اجلاس میں ، غزہ کی صورت حال کے حوالے سے مشترکہ عرب اسلامی سربراہی اجلاس کی طرف سے تفویض کردہ وزارتی کمیٹی کے ارکان کے ساتھ ساتھ ناروے، سلووینیا، آئرلینڈ اور یورپی یونین کے نمائندے بھی شرکت کریں گے۔
