اسلام آباد۔7فروری (اے پی پی):سعودی وزیر داخلہ پرنس عبدالعزیز بن سعود بن نائف پیرکو ایک روزہ دورے پر پاکستان پہنچ گئے۔وزارت داخلہ سے جاری بیان کے مطابق وزیر داخلہ شیخ رشید احمد نے نور خان ائیر بیس راولپنڈی پر سعودی وزیر داخلہ کا اور انکے وفداستقبال کیا۔
سیکرٹری داخلہ یوسف نسیم کھوکھر سمیت دیگر حکام نے بھی سعودی وفد کا استقبال کیا۔ سعودی وزیر داخلہ پرنس عبدل عزیر بن سعود بن نائف کیساتھ چھ رکنی اعلی سعودی حکام کا وفد بھی پاکستان پہنچا ہے۔
سعودی وزیر داخلہ اپنے پاکستانی ہم منصب شیخ رشید احمد کی خصوصی دعوت پرایک روزہ دورے پرپاکستان پہنچیں ہیں۔پاکستان اورسعودی عرب کے داخلہ امور کے وزراء کی اپنے وفد کے ہمراہ باضابطہ ملاقات آج وزارت داخلہ میں ہوگی۔
سعودی وزیر داخلہ اپنے دورےکے دوران صدرمملکت ڈاکٹر عارف علوی اوروزیراعظم عمران خان سے ملاقاتیں بھی کرینگے۔سعودی وزیر داخلہ آج وزارت داخلہ کا دورہ کرینگے؛ اپنے ہم منصب شیخ رشیداحمد سے وفد کے ہمراہ ملاقات کرینگے۔علاقائی صورت حال سمیت، سعودی عرب میں قید پاکستانیوں کی رہائی اور دیگراہم امور پر بات چیت کرینگے۔
