نیو یارک ۔ 18 دسمبر (اے پی پی) اقوام متحدہ کے سیکرٹری جنرل بان ک مون نے طرفین سے کہا ہے کہ وہ مسئلہ فلسطین کا تصفیہ طلب حل تلاش کریں۔ذرائع ابلاغ کے مطابق بانکی مون نے اس بات کا اظہار سلامتی کونسل میں مسئلہ فلسطین کے بارے میں منعقدہ ایک اجلاس کے دوران کہی۔ بانکی مون نے کہا کہ غزہ ،دریائے اردن اور مشرقی القدس کے علاقے 1967 سے اسرائیلی قبضے میں ہیں لہذا طرفین کو چاہیئے کہ وہ مذاکرات سے کسی نتیجے میں پہنچے اور ایک آزاد فلسطینی ریاست کے قیام کی داغ بیل ڈالیں ، فلسطینی عوام نصف صدی سے مایوسی اور بے بسی کی تصویر بنے ہوئے ہیں اور ان کی نسلیں اسی غیر یقینی صورت حال میں پروان چڑھ رہی ہیں۔
