پیرس۔9جولائی (اے پی پی):سلووینیاکے سائیکل سواراور ایونٹ کے دفاعی چیمپئن تڈیج پوگاآر نے ٹور ڈی فرانس سائیکل ریس کا چوتھا مرحلہ جیت لیا۔ فرانس کے شمالی حصے کے ایک شہر للی سے ٹورڈی فرانس سائیکل ریس کے 112 ویں ایڈیشن کا آغاز ہوچکا ہے۔ جس میں دنیا بھر کی سائیکلنگ کی 23ٹیموں کے نامور سائیکل سوار ٹائٹل کے حصول کے لئے کوشاں ہیں۔
ٹور ڈی فرانس سائیکل ریس کے چوتھے مرحلے میں سائیکل سواروں نے فرانس میں ایمینس سے روئن تک کا 174.2 کلو میٹر فاصلہ طے کرنا تھاجو پہاڑی رستے پر تھا۔26سالہ سلووینیاکے سائیکل سواراور ایونٹ کے دفاعی چیمپئن تڈیج پوگاآر نے عمدہ سائیکلنگ کا مظاہرہ کرتے ہوئے 174.2 کلومیٹر کا فاصلہ 3 گھنٹے 50منٹ اور 29 سیکنڈز میں طے کرکے پہلی پوزیشن حاصل کی۔
30 سالہ سالہ نیدرلینڈز کے سائیکل سوار میتھیو وین ڈیر پوئل نے دوسری جبکہ 28 سالہ ڈینش سائیکل سوار جوناس ونجیگارڈ راسموسن نے تیسری پوزیشن حاصل کی۔ نیدرلینڈز کے سائیکل سوار میتھیو وین ڈیر پوئل نے روس کا دوسرا مرحلہ جیتنے کے ساتھ بیلجیئم کے سائیکلسٹ جیسپر فلپسن سے یلو جرسی بھی چھین لی تھی جس پر تاحال ان کا قبضہ برقرار ہے ۔ ٹور ڈی فرانس سائیکل ریس 21 مرحلوں پر محیط ہوگی جس میں سائیکل سوار 3338.8کلو میٹر کا سفر طے کریں گے ۔
ٹور ڈی فرانس سائیکل ریس میں 232 ٹیمیں ٹائٹل کے حصول کے لئے ایکشن میں ہیں ۔ ٹور ڈی فرانس سائیکل ریس 24 روز جاری رہنے کے بعد 27 جولائی کو اختتام پذیر ہوگی۔ ٹور ڈی فرانس سائیکل ریس میں ٹیم یواے ای ایمرٹس ایکس آر جی کے 26 سالہ سلوسینیا کے سائیکلسٹ تڈیج پوگاآر اپنے اعزاز کا دفاع کے لئے کوشاں ہیں ۔ ٹور ڈی فرانس سائیکل ریس کا پہلا ایڈیشن پہلی مرتبہ 1903میں ہوا جو فرانسیسی سائیکل سوار مورس فرانسس گارین نے جیتا تھا۔
