سیالکوٹ ۔ 21 اپریل (اے پی پی):ایگری کلچر آفیسر سمبڑیال ذیشان گورائیہ نے کہا ہے کہ محکمہ زراعت کے مطابق جن زمینداروں کے رقبہ جات کمپیوٹرائزڈ نہیں ہے وہ کسان کارڈ کے حصول کیلئے اپنی درخواست اپنے شناختی کارڈ کی کاپی اور فرد جمعبندی (متعلقہ تحصیلدار سے تصدیق شدہ) کے ساتھ اسسٹنٹ ڈائریکٹر زراعت توسیع آفس میں جمع کروا سکتے ہیں۔
اس حوالے سے انہوں بتایا کہ کسان کارڈ کے لیے زرعی اراضی کی ملکیتی حد 12.5 ایکڑ سے بڑھا کر 25 ایکڑ مقرر اور بلا سود قرض کی رقم بھی 1.5 لاکھ سے بڑھا کر 3 لاکھ روپے کردی گئی ہے۔محکمہ زراعت کے مطابق کاشتکار حضرات کسان کارڈ پر 30 فیصد نقد کیش اور 20 فیصد کی مد میں زرعی مشینری کے لیے ڈیزل خرید سکتے ہیں۔ کسان کارڈ کے حصول کیلئے مزید معلومات کے لیے زرعی مرکز آفس یا ہیلپ پر رابطہ کر سکتے ہیں۔
