سموگ میں کمی کے باعث پابندیوں میں نرمی،پنجاب بھر کے تمام تفریحی مقامات کو کھول دیا گیا ہے،عمران حامد شیخ

لاہور۔21نومبر (اے پی پی):سموگ میں کمی کے باعث پابندیوں میں نرمی کردی گئی،پنجاب بھر کے تمام تفریحی مقامات کو کھول دیا گیا ہے۔ڈی جی ماحولیات ڈاکٹر عمران حامد شیخ نے نوٹیفکیشن جاری کردیا ۔انہوں نے کہا کہ پارکس، چڑیا گھر، پلے گراونڈ، آوٹ ڈور سپورٹس کی اجازت دے دی گئی ہے۔انہوں نے مزید بتایا کہ تمام تفریحی مقامات کو آٹھ بجے تک کھلا رہنے کی اجازت دے دی گئی ہے ۔

جاری نوٹیفکیشن کے مطابق ہر قسم کے فیسٹیول، نمائش کی بھی اجازت اور تفریحی مقامات کو کھولنے کی اجازت دے دی گئی۔ نوٹیفیکیشن کے مطابق لاہور، ملتان، فیصل آباد، گوجرانوالہ میں مارکیٹس 8بجے بند ہوں گی۔ہفتہ اور اتوار سمیت تمام مارکیٹس رات آٹھ بجے تک بند ہوں گی۔فیصلے کا اطلاق دکانوں، شاپنگ مالز، مارکیٹس پر ہوگا۔اسی طرح فارمیسز، تندور، ڈیپارٹمنل و گروسری سٹورز سمیت بنیادی ضرورت کی اشیا کی دکانیں بھی کھلی رہیں گی نیزبیکریوں کو بھی 8بجے کے بعد کام کرنے کی اجازت دی گئی ہے ۔

Short Link: https://urdu.app.com.pk/urdu/?p=527935