سندھ کے عوام کی فلاح و بہبود حکومتی ترجیحات کا حصہ ہے ، وزیر اعظم محمد شہباز شریف کا گورنر سندھ سے ٹیلی فونک رابطہ

لاہور ۔1اپریل (اے پی پی):وزیر اعظم محمد شہباز شریف نے کہا ہے کہ سندھ کے عوام کی فلاح و بہبود حکومتی ترجیحات کا حصہ ہے ۔وزیراعظم آفس پریس ونگ سے جاری اعلامیہ کے مطابق وزیر اعظم محمد شہباز شریف اور گورنر سندھ کامران خان ٹیسوری کا ٹیلی فونک رابطہ ہوا ہے۔

اس موقع پر وزیراعظم نے گورنر سندھ کو عیدالفطر کی مبارکباد دی اور نیک خواہشات کا اظہار کیا ۔گورنر سندھ نے بھی وزیراعظم کو عیدالفطر کی مبارکباد دی۔

وزیر اعظم محمد شہباز شریف نے گورنر سندھ سے گفتگو کرتے ہوئے کہا کہ صوبہ سندھ کی ترقی سے ہی پاکستان کی ترقی جڑی ہے، سندھ کے عوام کی فلاح و بہبود حکومتی ترجیحات کا حصہ ہے ۔گفتگو کے دوران ملک کی مجموعی و سیاسی صورت حال پر بھی تبادلہ خیال بھی کیا گیا۔

Short Link: https://urdu.app.com.pk/urdu/?p=577692