ابوظہبی۔10فروری (اے پی پی):سوئٹزرلینڈ کی نامور ٹینس سٹار اور وائلڈ کارڈ پر انٹری حاصل کرنے والی بیلنڈا بینسک ڈبلیو ٹی اے ابوظہبی اوپن ٹینس ٹورنامنٹ جیت لیا۔27 سالہ سوئس ٹینس سٹار بیلنڈا بینسک نے اپنی عمدہ کارکردگی کی بدولت خواتین کے سنگلز مقابلوں کے فائنل میچ میں امریکی حریف کھلاڑی ایشلین کروگر کو شکست دے کرماں بننے کے بعد پہلا ڈبلیوٹی اے ٹائٹل جیت لیا۔
زید سپورٹس سٹی انٹرنیشنل ٹینس سینٹرابو ظہبی میں جاری ڈبلیو ٹی اے ایونٹ میں سنسنی خیز مقابلے جاری ہیں جس میں شائقین ٹینس کو دلچسپ اور کانٹے دار مقابلے دیکھنے کو مل رہے ہیں۔ ڈبلیو ٹی اے ایونٹ کے ویمنز ڈبلز مقابلوں کے فائنل میچ میں سوئٹزرلینڈ کی نامور ٹینس سٹار اور وائلڈ کارڈ پر انٹری حاصل کرنے والی بیلنڈا بینسک نے عمدہ کھیل پیش کرتے ہوئے امریکی حریف کھلاڑی ایشلین کروگرکو 6-4، 1-6 اور 1-6 سے شکست دے کر ٹورنامنٹ جیت لیا۔ اس فتح کے بعد سوئس ٹینس سٹار بیلنڈا بینسک کے بعد مجموعی طور پر ڈبلیو ٹی اے ٹائٹلز کی تعداد 9 ہوگئی ہے۔
