سوئی گیس یو ایف جی کنٹرول ٹاسک فورس کی کارروائی ، شہر کے مختلف علاقوں سے 03 میٹرز منقطع کر دئیے

ملتان۔ 25 مارچ (اے پی پی):سوئی گیس یو ایف جی کنٹرول ٹاسک فورس نے گیس چوری اور غیر قانونی استعمال کرنے والوں کے خلاف کارروائی کرتے ہوئے 03 مزید میٹرز منقطع کر دئیے۔

سوئی نادرن گیس یو ایف جی کنٹرول ٹاسک فورس نے جنرل منیجر کی ہدایت پر صارفین کی شکایات کا فوری حل یقینی بنانے کے لیے مختلف علاقوں میں چیکنگ کی ۔02 گھریلو میٹرز کو کمرشل استعمال پر منقطع کیا گیا اور ایک صارف سے اتارا گیا میٹر ریکور کیا گیا ۔

ترجمان کے مطابق گیس چوری اور غیر قانونی سرگرمیوں میں ملوث عناصر کسی بھی رعایت کے مستحق نہیں ۔ترجمان کا کہنا تھا کہ ایسے افراد کے خلاف اس قسم کی کاروائیاں جاری رہیں گی تاکہ صارفین کو بلا تعطل اور معیاری خدمات فراہم کی جا سکیں۔

Short Link: https://urdu.app.com.pk/urdu/?p=576209