خرطوم ۔ 11 اگست (اے پی پی) سوڈان میں شدید بارشوں سے اب تک ملک بھر میں21 افراد ہلاک اور تقریباً 16لوگ زخمی ہوگئے ہیں۔ سوڈان کی قومی کونسل کی جانب سے یومیہ جاری ہونے والی ایک رپورٹ کے مطابق اس سال بارش کی وجہ سے تقریباً 4628 مکانات کو بھی نقصان پہنچا ہے۔کونسل نے اطلاع دی کہ سب سے زیادہ نقصان صوبہ خرطوم کے مغربی نیل کے علاقے اور غدرف ، کسالہ ، کورڈوفان اور نہر النیل ریاست میں ہوا۔ انہوں نے النیل کے نواح میں رہنے والے لوگوں اور پانی کے ذرائع سے بھی بارش کے موسم میں خصوصی احتیاط برتنے کی اپیل کی ہے۔ سوڈان میں ہر سال جون اور اکتوبر کے دوران ہونے والی موسلا دھار بارش کی وجہ سے سیلاب جیسے حالات پیدا ہوجاتے ہیں۔
