سٹیٹ بینک اور تمام مالیاتی ادارے 5 فروری کوبند رہیں گے

فیصل آباد۔ 03 فروری (اے پی پی):سٹیٹ بینک آف پاکستان، سٹیٹ بینک بینکنگ سروسز آف پاکستان سمیت تمام شیڈولڈ بینک اور مالیاتی ادارے یوم یکجہتی کشمیر کے سلسلہ میں عام تعطیل کے باعث 5فروری بروز بدھ کومکمل طور پر بند رہیں گے اور کسی قسم کا کوئی مالیاتی لین دین یا معاشی کاروبار نہیں ہو گا۔ سٹیٹ بینک آف پاکستان فیصل آباد کے چیف منیجرنے بتایاکہ اس سلسلہ میں سٹیٹ بینک آف پاکستان کی جانب سے باضابطہ سرکلر بھی جاری کر دیا گیا ہے۔

Short Link: https://urdu.app.com.pk/urdu/?p=555236