میڈرڈ۔18مارچ (اے پی پی):بارسلونا نے ہسپانوی فٹ بال لیگ لالیگا کے ایک میچ میں عمدہ کارکردگی کا مظاہرہ کرتے ہوئے ایٹلیٹیکو میڈرڈ کی ٹیم کو 2کے مقابلے میں 4 گول سے ہرا دیا۔ بارسلونا کے فیران ٹوریس نے دو جبکہ رابرٹ لیوینڈوسکی اور لامین یمل نے میچ میں ایک ،ایک گول کر کے اپنی ٹیم کی فتح میں اہم کردار ادا کیا۔
جولین الواریز اورالیگزینڈر سورلوتھ نے ایٹلیٹیکو میڈرڈ کی جانب سے ایک ایک گول کیا۔ یہ بارسلونا کی لیگ میں 19 ویں فتح ہے ۔ اس کامیابی کے بعد بارسلونا کی ٹیم کی ہسپانوی فٹ بال لیگ لالیگاکے پوائنٹس ٹیبل پر ٹاپ پوزیشن مزید مستحکم ہوگئی ہے ۔
سپینش لیگ لالیگا کے دلچسپ مقابلوں کا سلسلہ سپین میں جاری ہے۔ ریاض ایئر میٹرو پولیٹانو، میڈرڈ، سپین میں کھیلے گئے میچ میں بارسلونا کی ٹیم نے انتہائی شاندار کھیل پیش کرتے ہوئے ایٹلیٹیکو میڈرڈ کی ٹیم کو 2-4گول سے ہرا دیا۔ بارسلونا کی جانب سے فیران ٹوریس نے دو جبکہ رابرٹ لیوینڈوسکی اور لامین یمل نے میچ میں ایک ،ایک گول کر کے اپنی ٹیم کی فتح میں کلیدی کردار ادا کیا ۔
میچ میں جولین الواریز اورالیگزینڈر سورلوتھ نے ایٹلیٹیکو میڈرڈ کی جانب سے بالترتیب 45 ویں اور 70 منٹ پر ایک ایک گول کیا۔ بارسلونا کی لیگ میں یہ 19ویں فتح ہے اور وہ لیگ میں 60پوائنٹس کے بعد ٹیبل پر سر فہرست پوزیشن پر موجود ہے ۔ریال میڈرڈ ٹیم کے بھی 60 پوائنٹس ہیں تاہم وہ دوسرے نمبر پر موجود ہے۔
Short Link: https://urdu.app.com.pk/urdu/?p=573695
