میڈرڈ۔22اپریل (اے پی پی):ریال بیٹس نے ہسپانوی فٹ بال لیگ لالیگا کے ایک میچ میں عمدہ کارکردگی کا مظاہرہ کرتے ہوئے گیرونا کی ٹیم کو 1-3 گول سے ہرا دیا۔ ریال بیٹس کے جانی کارڈوسو،انٹونی اور ایسکونے میچ میں ایک ،ایک گول کر کے اپنی ٹیم کی فتح میں اہم کردار ادا کیا۔ یہ ریال بیٹس کی لیگ میں 14 ویں فتح ہے ۔
اس کامیابی کے بعد ریال بیٹس کی ٹیم کی ہسپانوی فٹ بال لیگ لالیگاکے پوائنٹس ٹیبل پر چھٹی پوزیشن ہے ۔ سپینش لیگ لالیگا کے دلچسپ مقابلوں کا سلسلہ سپین میں جاری ہے۔ میونسپل ڈی مونٹیلیوی، گیرونا، سپین میں کھیلے گئے میچ میں ریال بیٹس کی ٹیم نے انتہائی شاندار کھیل پیش کرتے ہوئے گیرونا کی ٹیم کو با آسانی ایک کے مقابلے میں 3گول سے ہرا دیا۔
جانی کارڈوسو،انٹونی اور ایسکونے ریال بیٹس کی جانب سے میچ میں ایک ،ایک گول کر کے اپنی ٹیم کی فتح میں کلیدی کردار ادا کیا ۔ میچ میں گیرونا کی طرف سے واحد گول کرسٹیان سٹوانی نے سکور کیا۔ریال بیٹس کی لیگ میں یہ 14ویں فتح ہے اور وہ لیگ میں 51پوائنٹس کے بعد ٹیبل پر چھٹی پوزیشن پر موجود ہے ۔
Short Link: https://urdu.app.com.pk/urdu/?p=585661
